Geschiedenis

BARCHEM
Veur het 150-jarig bestaon van de (ton nog) N.H. kerk in Barchem heb ik onderzeuk edaon naor de geschiedenis van wat no sinds 2011 de Barchkerk heet. Ik heb daorbi'j de tekst gebroekt dee ds. Onnis in 1961 emaakt had veur het 100-jaorig bestaon van de kerk en ik heb ok bi'j het Historisch Genootschap Lochem-Laren-Barchem naor anvullend materiaal en foto's ezocht. In 2011 heb ik daormet een jubileumuutgave van het kerkblad 'Kerk Barchem' samen esteld. (kiek maor onderan dizze pagina) 
Het 150-jarig bestaon van de kerk was anleiding um de kerk (den nog gewoon de Nederlands Hervormde kerk in Barchem heten) een name te gevven, de Barchkerk.  

150-jaar Kerk in Barchem is ok de anleiding eworden um een book samen te stellen ovver de 150-jaorige geschiedenis van het dorp Barchem. Want rondumme de kerk, de pastorie en de school, dén in 1862 in gebroek enommen werd, ontstond in de loop van de jaore een dorpskern, wat no Barchem is. 
Leu uut de buurtschappen Barchem, Bosheurne en Zwiep hebt in 1859 met mekare de anzet egovven töt de bouw van de kerk.
In dee tied heuren het grondgebied waorop de kerk ebouwd werd töt de burgerlijke gemeente Laorne en werd umschrevven as Laorne-Zuud. Daorumme kozzen de samenstellers van het book der veur um uut te gaon van het grondgebied van Laorne-Zuud.
Het book "Barchem, blik op de voormalige deelgemeente Laren-Zuid vanaf 1861 is in de zeen via de website van het Historisch Genootschap Lochem-Laren-Barchem. 

HISTORISCH GENOOTSCHAP LOCHEM-LAREN-BARCHEM
As vrijwilliger bi'j het historisch genootschap mag ik mi'j bezighollen met het beheren van het filmarchief. Een heel aantal olde filmspoelen bunt al deur het RAZ (Regionaal Archief Zutphen) gedigitaliseerd en ok in eur bestand op enomen waordeur ze hier online te zeen bunt. 
Een heel aantal bewarkte films buny ok te zeen op ons YouTube kanaal. 
Wi'j bunt heel bli'j dat wi'j nog steeds filmmateriaal ang eboaden kriegt um in ons archief op te nemmen en online beschikbaor te maken.

MUSEUM DE LEBBENBRUGGE 
Sinds juni 2023 mag ik as vri'jwilliger rondleidingen verzorgen in het museum de Lebbenbrugge.
Bi'j Museum De Lebbenbrugge maak i'j kennis met een 16e-eeuwse boerderi'j annex jachthuus, harbarge en tolboerderi'j. I'j kömt het museum bezeuken of gewoon rondkieken op het arf en heerlijk töt rust kommen op ons tuinterras, genieten van een köpken koffie of thee met heerlijke appeltaerte of een koke. Ok servert wi'j diverse frisdranken en kö-j een ijsje kopen.